स्वतःच्या जागेत 15 फेब्रुवारी पासून बिझनेस मित्र सुरू करत आहोत आणि त्याच्या उद्घाटनाचे निमंत्रण देताना…. बऱ्याच मित्राचा प्रश्न केला की … बिझनेस मित्र म्हणजे काय? कोणत्या सर्विसेस तू देतोय ? मग हेच नाव का सुचले? म्हणून हा लेख प्रपंच….
Business Mitra सुरू करण्यामागची प्रेरणा
प्रत्येक उद्योजकाच्या मनात एक कल्पना असते, एक स्वप्न असतं—स्वतःचा व्यवसाय उभारायचा, मोठं व्हायचं, लोकांना रोजगार द्यायचा. पण प्रत्यक्षात व्यवसाय सुरू करताना येणाऱ्या अडचणी कल्पनेपेक्षा खूप वेगळ्या आणि मोठ्या असतात. आम्हालाही हेच जाणवलं. व्यवसाय सुरू करायचा ठरवल्यानंतर पहिल्या टप्प्यातच अनेक अनपेक्षित समस्या समोर येतात.
सुरुवात केली, तेव्हा पहिलाच प्रश्न पडतो—कायदेशीर दृष्टिकोनातून कोणत्या प्रकारचं रजिस्ट्रेशन करावं? प्रोप्रायटरशिप, पार्टनरशिप, प्रायव्हेट लिमिटेड की एलएलपी? यापैकी कोणता प्रकार आमच्या व्यवसायासाठी योग्य ठरेल, हे समजून घेण्यासाठी वेगवेगळ्या लोकांचे सल्ले घेतो. प्रत्येक जण वेगवेगळं सांगतो. कोणी म्हणते, “प्रोप्रायटरशिप सोपं आहे,” तर कोणी म्हणते, “प्रायव्हेट लिमिटेड मोठ्या ब्रँडसाठी चांगलं आहे.” पण कोणत्याही व्यावसायिकाला त्याच्या उद्योगासाठी योग्य पर्याय नेमका कोणता आहे, हे समजावून सांगणारं ठोस मार्गदर्शनच नव्हते.
यातच दुसरी मोठी समस्या असते—कायदेशीर प्रक्रिया आणि परवाने. व्यवसाय सुरू करण्यासाठी कोणकोणती लायसन्स लागतील? दुकान परवाना (Shop Act) घ्यावा का नाही? जीएसटी घ्यावं का नाही? ट्रेडमार्क आवश्यक आहे का? फक्त व्यवसाय सुरू करणं पुरेसं नाही, तर त्याला कायदेशीर मान्यता मिळणंही महत्त्वाचं असतं. पण ही माहिती मिळवण्यासाठी सरकारी कार्यालयांच्या फेऱ्या, वकील आणि सीए लोकांच्या सल्ल्यांमध्ये खूप वेळ जातो. या प्रक्रियेमुळे आमच्या व्यवसायाला सुरुवात होण्यास उशीर होतो आणि अनावश्यक खर्चही होतो.
तिसरी आणि सर्वात मोठी समस्या म्हणजे अकाउंटिंग आणि टॅक्स. व्यवसायात पैशांची उलाढाल योग्य प्रकारे व्यवस्थापित करणे खूप महत्त्वाचे असते. पण जीएसटी, आयकर, टीडीएस, फायनान्स मॅनेजमेंट या सगळ्या गोष्टी नवख्या उद्योजकाला समजणे कठीण असते. “GST लागतो का?” “किती टॅक्स भरावा लागेल?” “टीडीएस म्हणजे काय?”—यासारखे अनेक प्रश्न असतात. चुकीच्या निर्णयांमुळे अनेक व्यावसायिक अडचणीत सापडतात, हे लक्षात आलं.
ही सगळी प्रक्रिया इतकी क्लिष्ट असते, की व्यवसाय सुरू करण्याचा उत्साहच मावळतो. नवीन उद्योजकांसाठी या अडचणी खूप मोठ्या ठरू शकतात आणि त्यामुळे कित्येक चांगल्या व्यवसाय कल्पना केवळ प्रक्रियांच्या गुंत्यात हरवून जातात. याच समस्येवर एक ठोस उपाय देण्यासाठी, नवख्या उद्योजकांना व्यवसाय सुरळीत आणि योग्य मार्गाने सुरू करता यावा, यासाठी ‘Business Mitra Private Limited’ ची स्थापना केली.
आमचं ध्येय – व्यवसायासाठी सोप्पा आणि विश्वासार्ह मार्गदर्शन!
आम्हाला हे लक्षात आलं की, उद्योजकांसाठी एकाच ठिकाणी सर्व प्रकारच्या व्यवसाय सल्ल्याच्या आणि कायदेशीर सेवांच्या सुविधा उपलब्ध असायला हव्यात. जेणेकरून त्यांना प्रत्येक गोष्टीसाठी वेगवेगळ्या ठिकाणी फिरावं लागणार नाही. म्हणूनच आम्ही एक अशी सेवा सुरू केली, जिथे नवीन स्टार्टअप्स, लघु आणि मध्यम उद्योजकांना संपूर्ण व्यवसाय मार्गदर्शन, कायदेशीर सेवा, अकाउंटिंग आणि ग्रोथ स्ट्रॅटेजी एकाच ठिकाणी मिळेल.
आमचं एकच ध्येय आहे—तुमच्या व्यवसायाची सुरुवात आणि वाढ सोपी करणे!
व्यवसायासाठी कायदेशीर मदत
अकाउंटिंग आणि टॅक्स संबंधित सल्ला
व्यवसाय वाढीसाठी योग्य धोरण आणि फायनान्स सल्ला
MSME आणि स्टार्टअप साठी अनुदान, लोन आणि सबसिडीची माहिती
आज ‘Business Mitra’ ही केवळ एक सेवा न राहता, व्यवसायासाठी एक विश्वासार्ह साथीदार आणि मार्गदर्शक ठरत आहे. तुम्ही जर व्यवसाय सुरू करणार असाल किंवा आधीच व्यवसाय करत असाल आणि तुम्हाला योग्य मार्गदर्शन हवं असेल, तर आम्ही नेहमीच तुमच्या सोबत आहोत!
अधिक माहितीसाठी संपर्क करा:
9594965755 | 8080815282
#businessgrowth#startupsuccess#entrepreneurlife#business#MSME#newbusinessideasBusiness Mitra
